Latvııada qazaqstandyq «Abaı» aqparat ortalyǵy ashyldy
«Ortalyqta Qazaqstan Respýblıkasynyń Prezıdenti Nursultan Nazarbaevtyń qyzmeti, onyń halyqaralyq saıası arenadaǵy róli, sondaı-aq belgili qazaq jazýshylarynyń qazaq, orys jáne aǵylshyn tilderindegi eńbekteri jaıǵastyrylǵan. Barlyǵy 200-den astam kitap kitaphanaǵa syıǵa tartylady. Árıne, bul kitaptar oqyrmandardyń qazaq halqynyń mádenı qundylyqtaryna degen qyzyǵýshylyǵyn týǵyzady. Bul - Qazaqstannyń jetistikteri, ekonomıka, saıasat, áleýmettik salada ádebıet arqyly jetistikteri týraly aıtý múmkindigi» delingen habarlamada.
Latvııa ýnıversıtetiniń akademııalyq kitaphanasy - Latvııadaǵy eń kóne kitaphanalardyń biri. Kitaphananyń resmı ashylǵan jyly - 1524 jyl. Kitaphananyń maqtanyshy sanalatyn eki júz ınkýnbýlasy bar, olardyń bireýi - 1460 jyly Maıntste jaryq kórgen Iogann Balbýs «Katolıkoony», sondaı-aq, ekinshisi - Ieronımge tıesili Maıntsta jaryq kórgen «Epistolae et tractatus Incunabulum». Latvııanyń Ǵylym akademııasynyń irgeli kitaphanasy Eýropanyń tarıhynda alǵash ret 1480 jyly Venetsııada jarııalanǵan «Liber pandectarum medicinae» atty alǵashqy medıtsınalyq leksıkonǵa ıe, onyń avtory - M.Sılvatıkýs. Kitaphanada júzge jýyq paleotıp bar, sondaı-aq ejelgi avtorlardyń shyǵarmalary, ádebıet klassıkasy - Gorats, Tıt Lıvııa, Ovıd jáne basqa da jazýshylardyń shyǵarmalary bar. Olardyń túpnusqa tilindegi eńbekteri Fýndamentaldi Kitaphananyń ekinshi qoljazbasyn quraıdy. 
Aıta keteıik, 2016 jyldan bastap Qazaqstan Respýblıkasynyń Ulttyq akademııalyq kitaphanasy QR Mádenıet jáne sport mınıstrligi men QR Syrtqy ister mınıstrliginiń, sondaı-aq, QR Elshilikteriniń qoldaýymen QR Ulttyq akademııalyq kitaphanasy Shet elderdiń ulttyq kitaphanalarynda qazaq ádebıet ortalyqtarynyń ashylýyna arnalǵan halyqaralyq jobany júzege asyrýda.
Halyqaralyq jobanyń maqsaty - qazaq halqynyń tarıhy men mádenıetin, salt-dástúrlerin, ekonomıkanyń qazirgi zamanǵy memleketiniń jetistikterin, saıasatty, áleýmettik salany, klassıkalyq jáne zamanaýı proza men poezııanyń ádebı baılyǵyn damytý.
Búgingi tańda álemniń 30 eliniń kitaphanalarynda osyndaı ortalyqtar ashylyp, jumys istep tur.
