Lańkester Izraıl premer-mınıstriniń úıine dronmen soqqy bermekshi boldy
ASTANA. KAZINFORM - Izraıldiń Kesarııa qalasynda Lıvannan ushyrylǵan dron bir ǵımaratqa soqqy berdi. Premer-mınıstr Bınıamın Netanıahý keńsesiniń málimetinshe, shabýyldyń nysanasy onyń úıi bolǵan, dep jazady BILD.
Izraıl úkimetiniń basshysy men onyń áıeli bul ýaqytta ǵımaratta bolmaǵan. Ázirge zardap shekkender týraly aqparat túsken joq.
TsAHAL «sońǵy bir saǵat ishinde Izraıl aýmaǵyna Lıvannan kirgen úsh dron anyqtalǵanyn málimdedi. Taǵy bir dron Kesarııa aımaǵyndaǵy ǵımaratqa soǵyldy. Zardap shekkender tirkelgen joq. Oqıǵa kezinde Glılot áskerı bazasynda sırenalar iske qosyldy. Taǵy eki dron ustaldy.
Tel-Avıvte de áýe shabýyly týraly dabyl qaǵyldy. Drondardyń biri Izraıldiń syrtqy barlaý qyzmeti Mossad pen basqa da barlaý agenttikteriniń shtab-páteri ornalasqan Glılot aımaǵyna bara jatqan.
Armııanyń málimetinshe, Izraıldiń soltústigindegi birqatar eldi mekenderde de sırenalar oınaǵan.
Buǵan deıin Izraıl HAMAS jetekshisi ıAhıa Sınvardyń Gaza sektorynda óltirilgenin rastady. Izraıl premer-mınıstri Bınıamın Netanıahý Izraıldiń negizgi telearnalarynda sóılegen sózinde HAMAS budan bylaı Gaza sektorynda bılik júrgizbeıtinin atap ótti.
Osyǵan deıin Gazaǵa úsh aıdan keıin alǵash ret áýeden gýmanıtarlyq kómek tastalǵanyn jazdyq.
