Qyzylordadaǵy shyny zaýytynyń mańynan 8 ilespe zaýyt salynady - Gúlshara Ábdiqalyqova
«Qyzylordadaǵy shyny zaýytynyń qurylysy 70% aıaqtaldy. Eki másele ǵana qaldy, olar: balqytý vannasy men kúıdirý peshi. Qazirgi ýaqytta mamandarmen kelissózder júrgizip jatyrmyz. Bizdiń tarapymyzdan onyń aınalasyndaǵy ınfraqurylymyn aıaqtaýǵa, vagondar keletin joldy jóndeýge daıynbyz. Al qalǵan 30% jumysy mamandar kelgen jaǵdaıda birtindep bitedi. Bizdiń elimizge jylyna baǵasy 1 mln. dollar bolatyn shyny syrttan keledi eken. Eger ózimizdiń zaýytty iske qosatyn bolsaq, sol 1 mln. dollar bizde qalady. Syrtqa satsaq – taǵy da kiris bolady. Qazirgi ýaqytta biz óte jaqsy máseleni kóterdik. Osy shyny zaýyttyń aınalasynda 8 ilespe zaýyt salamyz dep josparlap otyrmyz. Úsh zaýyttyń jobasy belgilenip, bıznes qurylymyna qatysty kásipkerler qyzyǵýshylyq bildirip, qujattaryn daıyndap qoıdy. Mysaly, bir zaýyt shynydan ydys jasasa, ekinshi zaýyt aına jasaıdy, al úshinshi zaýyt qurylysta kóp paıdalanylatyn shyny talshyǵyn shyǵarady. Osy úsh zaýyttyń ózi 15-16 mlrd. teńge ınvestıtsııa tartady», - deıdi Qyzylorda oblysynyń ákimi Gúlshara Ábdiqalyqova.
Sondaı-aq, ol «Shalqııa» ken ornynda qorǵasyn, myrysh óndeıtin óndiris orny salynatynyn aıtty.
«Shalqııa» ken ornynda da qorǵasyn, myrysh óndeıtin óndiris orny salynaıyn dep jatyr. Qazirgi ýaqytta «Samuryq Qazynamen» birge jumys istep jatyrmyz. 8 mlrd. teńgege jýyq ınvestıtsııa tartylyp, jumys bastalady. Odan basqa, Aral óńirinde kaltsılendirilgen soda ónditerin zaýytynyń barlyq qujattary daıyn. QR Ekologııa mınıstrligine shlakty saqtaıtyn orynǵa qatysty suraqtar bolǵan. Ol máseleni tolyq sheshtik. Kásipkerler jumysty bastaýǵa ázir», - deıdi ol.
