Qyzylordada jyl basynan beri 4 176 adam koronavırýs juqtyrdy
Óńirde koronavırýs ınfektsııasynyń epıdemıologııalyq jaǵdaıy turaqsyz. Jyl basynan beri 4176 adam koronavırýs juqtyrdy.
Oblys 30 qańtardan bastap oblys «sary» aımaqta tur. Óńirde koronavırýs ınfektsııasy anyqtalǵannan bastap indet juqtyrǵan 23 707 adam tirkelse, naýqastardyń 90 paıyzy emdelip shyqty.
«Aıta keterligi, 11 qańtardan beri qaterli indetti táýligine 100-den joǵary juqtyrý deregi tirkelgen. Al 28 qańtardan bastap aýrýshańdyq kórsetkishteri tómendeı tústi. Ótken táýlikte koronavırýsqa shaldyqqan 55 adam tirkeldi. Olardyń basym kópshiliginde klınıkalyq belgisi anyqtalǵan joq. Naýqastardyń arasynda 14 jasqa deıingi balalar men jasóspirimder 16 adamdy qurady», - dep málim etti oblystyq sanıtarııalyq-epıdemıologııalyq baqylaý deparatmentinen.
Óńirde qazir 2 327 belsendi oshaq bar. Barlyǵynda indetke qarsy profılaktıkalyq sharalar júrgizilip, qarym-qatynasta bolǵandar medıtsınalyq baqylaýǵa alyndy. Oblysta indettiń iri oshaǵy - Qyzylorda qalasy. Aýdandar úlesi boıynsha indet oshaqtary Shıeli jáne Jańaqorǵanda anyqtaldy.
