Qyzylordada toıhanalar óndiris oryndaryna aınala bastady
Búgingde oblysta jalpy sany 128 toıhana bar. Pandemııaǵa baılanysty tótenshe jaǵdaı men karantındik sharalarǵa sáıkes bas memlekettik sanıtarııalyq dárigeriniń qaýlysymen toıhanalardyń qyzmetine tyıym salyndy. Bul qaýipti derttiń aldyn alý jáne halyqtyń qaýipsizdigin qamtamasyz etý maqsatynda qabyldanyp otyr.
Qyzmetine tyıym salynǵan kásipkerlik nysandaryn qaıta jandandyrý jáne basqa salalarǵa baǵyttaý maqsatynda oblys ákimdiginiń «Qyzylorda oblysynyń 2023 jylǵa deıingi ekonomıkalyq damý jospary» ázirlendi.
«Jospar aıasynda 10-nan asa toıhana qyzmetterin ózge salalarǵa baǵyttady. Atap aıtqanda, Aral aýdanyndaǵy «Aqnıet» toıhanasy kıim-keshek satatyn saýda nysanyna aınaldy. Al, Qarmaqshy aýdanyndaǵy «Altyn Ǵasyr» toıhanasy endi otbasyǵa arnalǵan kıimder satatyn saýda ortalyǵy boldy. Sol aýdandaǵy «Málıke Ana» toıhanasy endi balalar oıyn alańy men kondıterlik ónimder óndiretin tsehyna aýystyryldy. Qyzylorda qalasynda ornalasqan «Ulytaý» toıhanasy shyryndar men sýsyndar óndirse, «Orda» toıhanasy avtomattandyrylǵan lavash shyǵarý óndirisin iske qosady», - dep málim ettti oblystyq kásipkerlik jáne týrızm basqarmasy.
Sondaı-aq, birqatar toıhanalar óz baǵytyn qus sharýashylyǵyna aýystyrmaq nıette. Oǵan qosa óz isin qurylys materıaldary dúkenine, medıtsına ortalyǵyna qaıta baǵyttap jatqan toıhanalar bar.
Sondaı-aq, Qyzylordada aýyl turǵyny úıiniń aýlasynda úılený toıyn jasaǵan.
