Qyzylordada taǵy bir iri esirtki alqaby joıyldy
«Qarasora-2022» jedel-profılaktıkalyq is-sharasy barysynda Qyzylorda oblysy PD Esirtki qylmysyna qarsy is-qımyl basqarmasy men Qyzylorda oblysy UQK Shekara qyzmetiniń qyzmetkerleri birlesip, Shıeli aýdany Tursynbaı datqa aýylynan 30 shaqyrym jerde qalyń sheńgel arasynan iri esirtki alqabyn anyqtady.
Oqıǵa ornynda 46-51 jas aralyǵyndaǵy úsh kúdikti ustaldy. Tekserý kezinde jedel-tergeý toby bıiktigi 10 sm bolatyn quramynda esirtki bar ósimdikterdiń 2187 túbin anyqtady. Polıtseıler oqıǵa ornynan iri esirtki alqabynan bólek ustalǵandardyń jeke zattaryn, azyq-túlik, sora ósirýge arnalǵan arnaıy jabdyqtar: nasos, palatka, motor, shlanga, kúrek, ketpen tárkiledi.
Kúdiktiler tamshylatyp sýarý tehnologııasyn qoldanǵan. Úsh kúdikti de Shıeli aýdandyq polıtsııa bóliminiń ýaqytsha ustaý ızolıatoryna qamaýǵa alyndy. Atalǵan derek boıynsha QR QK-niń 300-babynyń 2-bóliginiń 1,3-tarmaqtaryna (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sáıkes, sotqa deıingi tergep-tekserý áreketteri júrgizilýde.
Vıdeodan alyn ǵ an kadr
