Qyzylordada shyny zaýyty bıyl iske qosylady
Óńirde bıylǵy jyldyń 6 aıynda óńdeý ónerkásibi salasynda 79,8 mlrd teńgeniń ónimi óndirilgen. Byltyr eseptik merzimde bul kórsetkish 69 mlrd. teńgege teń boldy. ıAǵnı bıyl salada 14,6 paıyzǵa ósim bar.
Oblystaǵy ındýstrııalandyrý baǵdarlamasynyń úshinshi besjyldyǵy aıasynda josparǵa engizilgen jobalar barshylyq. Aımaqta jalpy quny 543 mlrd teńgeni quraıtyn 41 jobany júzege asyrý baǵytynda jumystar atqarylýda. Bul jobalar iske qosylǵanda 7 myńnan asa jańa jumys orny qurylady.
Al ındýstrııalandyrý baǵdarlamasynyń birinshi jáne ekinshi besjyldyqtary aıasynda óńirde quny 150 mlrd teńgeni quraıtyn 26 joba júzege asqan. Sol arqyly 1 myń 700 jumys orny ashylǵan edi.Sonyń nátıjesinde bıylǵy jyldyń 6 aıynda 22,5 mlrd. teńgeniń ónimin óndirilip, tsement, tuz, balyq, propan-býtan, ammonıı metavanadaty syndy 5 túrli ónimdi 12 elge eksporttalǵan.
Shyny zaýytynyń qurylysy qurylysy 85%-ǵa, montajdaý jumystary - 37%-ǵa oryndalǵan. Zaýytty iske qosý merzimi 2021 jyldyń II jartyjyldyǵyna josparlanyp otyr.
«Biz óz tarapymyzdan – zaýyt úshin barlyq ınjenerlik ınfraqurylym tartý jumystaryn oryndadyq. Endi qalǵany – balqytý vannasy men kúıdirý peshiniń jabdyǵyn montajdaý. Bul jumystardy oryndaý elimizde joq, joǵary bilikti mamandardy qajet etedi. Karantındik sharalarǵa baılanysty jabdyqtaý montajdaý boıynsha mamandar elge kele almady. Degenmen, Úkimettiń arnaıy komıssııasynyń ruqsatymen osy jyldyń sáýir aıynan bastap shetel mamandary zaýytqa kelip, peshtiń órý jumystaryn bastady. Shyny zaýytynyń iske qosylýymen biz kem degende 8 ilespe óndiris qurýdy kózdep otyrmyz. Investorlarmen birlesip shyny zaýytynyń aınalasynda 2 jobany iske asyrý boıynsha jumystar bastaldy. Barlyq ilespe óndiristerdiń aınalasynda jańa kásipterdi ıgere otyryp, shamamen 400 jumys orny ashylmaq. Odan basqa jobalar da josparǵa sáıkes iske qosylatyn bolady», - dedi oblystyq ındýstrııalyq-ınnovatsııalyq damý basqarmasynyń basshysy Rınat Sultangereev.
Eske salsaq, budan buryn Táýelsizdiktiń 30 jyldyǵy aıasynda Qyzylorda oblysynyń mádenıet salasynda qandaı jumystar atqarylǵanyn habarlaǵan edik.
