Qyzylordada oqýshylar arasyndaǵy respýblıkalyq olımpıada ótip jatyr
Nartaı Bekejanov atyndaǵy Qyzylorda oblystyq mýzykalyq-drama teatrynda jalpy bilim beretin pánder boıynsha respýblıkalyq olımpıadanyń ashylý saltanaty ótti.
Oblys ákimi Q.Kósherbaev olımpıada qatysýshylarymen kezdesip, «jastardyń bilimi, biliktiligi men daǵdylary - barsha ulttyń eń mańyzdy ári qymbat resýrsy» ekenin atap ótti.
«Joǵary bilikti mamandar daıarlaý máselesinde bilim berý sapasynyń deńgeıin kóterýge tıispiz. Oblystyń sala qyzmetkerleri mektep túlekteriniń kem degende 50% JOO túsirýge qol jetkizýi tıis. Biz jyl saıyn az qamtylǵan jáne kóp balaly otbasylardan shyqqan balalardy eńbek resýrstarynyń teńgerimine sáıkes óńirde suranysqa ıe mamandyqtar boıynsha oblys ákiminiń granty esebinen elimizdiń jetekshi joǵary oqý oryndaryna oqýǵa jiberemiz. Bıyl atalmysh grant sany 2 esege - 100-den 205-ke deıin artty. Osylaısha, búgingi tańda mundaı grant ıegerleriniń sany 900 jetti. Aıta ketý kerek, aǵymdaǵy jyldan bastap oblys ákimi granttarynyń 70% IT-mamandyqtarǵa baǵyttalady»,- dedi aımaq basshysy.
Sonymen qatar, 2014 jyldan bastap aımaqtyń mektep túlekteri Máskeý men Sankt-Peterbýrgtiń úzdik tehnıkalyq JOO bilim alýda. Alǵashqy túlekter ótken jyldan bastap óńirdegi kásiporyndarda jumys istep, keıbiri magıstratýrada oqýyn jalǵastyrýda. Aıta keterligi, ekinshi jyl qatarynan oblystaǵy mektep túlekteriniń 97% joǵary oqý oryndary men kolledjderge túsken, olardyń 58% memlekettik grantqa ıe boldy.
Sondaı-aq, oblys basshysy bilim berý salasyna qatysty birqatar josparlarymen bólisti.
«Endi bizdiń mindetimiz - jastardy «Lıga plıýşa» ýnıversıtetterinde oqytýǵa qol jetkizý. Eger aıqyn maqsatty mejelep, naqty mindetter qoıylmasa, esh nársege jetý múmkin emes! Tehnologııalardy qurý jáne paıdalaný, áleýmettik belsendilik pen kásipkerlik, kommýnıkatsııa men dızaın, sondaı-aq, mektep baǵdarlamasyna kirmeıtin ǵylym salalaryndaǵy daryndardy qoldaý maqsatynda Reseıdiń «Kvantorıýmdar» men «Sırıýstar» qurý boıynsha tájirıbesin zerdeleımiz. Olardyń tájirıbesin zerdelep, joǵary bilikti ınjener mamandardy daıarlaýǵa, ınnovatsııalyq tehnologııalar men ıdeıalardy ázirleýge, testileýge jáne engizýge baǵyttalǵan tolyqqandy tehnoparkter qurǵymyz keledi», - dep atap ótti oblys ákimi.
Aıta keteıik, búginde Qyzylorda oblysynda STEM-elementterdi, ǵylymı ınnovatsııalar men matematıkalyq modeldeýdi, robototehnıkany qamtıtyn 46 ınnovatsııalyq mektep jumys isteıdi.
Sóz sońynda Q.Kósherbaev olımpıada qatysýshylaryna sáttilik tilep:
«Bizdiń jastarymyzdyń arasynda da Abaıdaı aqyn-fılosoftar, Qanysh Sátbaevtaı biregeı ǵalymdar, Muhtar Áýezovteı uly jazýshylar, Bıll Geıts, Ilon Mask sekildi ınnovatorlar júrýi ábden múmkin»,-dedi.
Sonymen qatar, oqýshylardy QR Bilim jáne ǵylym vıtse-mınıstri Elmıra Sýhanberdıeva quttyqtap, is-sharanyń joǵary deńgeıde uıymdastyrylǵanyn jáne olımpıada onlaın rejımde ótkiziletinin atap ótti.
«Qyzylorda oblysynda, Syrdyń qasıetti jerinde, túrki órkenıetiniń besigi, oıshyl Qorqyt Ata meken etken jerde gýmanıtarlyq pánder boıynsha olımpıada ótýi erekshe mánge ıe. Bıyl «Daryn» respýblıkalyq ǵylymı-praktıkalyq ortalyǵynyń qurylǵanyna 20 jyl tolady. Ortalyqty qurý ıdeıasy sol kezderde Qazaqstan Respýblıkasynyń Bilim jáne ǵylym mınıstrliginiń basshylyǵynda otyrǵan, qazirgi oblys ákimi Qyrymbek Kósherbaevqa tıesili», - dedi vıtse-mınıstr.
Aıta keteıik, 25-29 naýryzda Qyzylorda oblysynda qazaq, orys jáne shet tilderi, quqyq negizderi jáne Qazaqstan tarıhy boıynsha olımpıadanyń 2 kezeńi ótedi. Sondaı-aq, olımpıada qatysýshylary Qarmaqshy aýdanynda ornalasqan Qorqyt Ata memorıaldyq kesheninde ótetin jastar forýmyna qatysady. Bilim dodasynyń qorytyndysy 29 naýryzda anyqtalyp, jabylý rásimi ótkiziledi.
Esterińizge sala keteıik, 17-19 naýryz aralyǵynda Naýryz meıramy qarsańynda Qyzylordada respýblıkanyń barlyq aımaqtarynan kelgen 200 jýyq oqýshynyń qatysýymen «Ǵarysh. Ǵylym. Intellekt» taqyrybynda IX Naýryz kezdesýleri ótti.