Qyzylordada oqshaýlaný tártibin buzǵan «qyzyl» mártebedegi 162 turǵyn anyqtaldy

QYZYLORDA. QazAqparat - Qyzylorda oblysynda úıde oqshaýlaný tártibin buzǵan «qyzyl» mártebedegi 162 turǵyn anyqtaldy, dep habarlaıdy QazAqparat tilshisi.

Óńirde 4 myńǵa jýyq nysan «Ashyq» júıesine qosylǵan. Basym kópshiligi - qoǵamdyq tamaqtaný obektileriniń úlesinde.

Jyl basynan beri koronavırýs ınfektsııasyna shaldyqqanyna qaramastan, úıde oqshaýlaný tártibin buzǵan «qyzyl» mártebedegi 162 turǵyn anyqtaldy.

«QR Ákimshilik quqyq buzýshylyq týraly kodeksiniń 425-babyna sáıkes dertke shaldyqqanyn bile tura karantın talabyn buzǵan 25 adam tıisti jazaǵa tartyldy. Olarǵa jalpy kólemi 1 mln teńgeden astam ákimshilik aıyppul salyndy. Keleńsizdikter negizinen qoǵamdyq tamaqtaný, saýda nysandarynda, sondaı-aq temir jol vokzaly men áýejaı jolaýshylarynan kóptep anyqtalýda», - dep málim etti oblystyq Sanıtarııalyq-epıdemıologııalyq baqylaý departamentinen.

Eske salsaq, Qyzylordada jyl basynan beri 4 642 adam koronavırýs juqtyrdy.