Qyzylordada kredıt alyp beremin dep jurtty san soqtyrǵan alaıaq ustaldy
Qyzylorda qalalyq Polıtsııa basqarmasyna qala turǵyny byltyr tanysy nesıe alýǵa kómek beremin dep, 2 mln 300 myń teńgeni aldap alǵany jóninde aryz túsirdi.
Sol kúni polıtsııaǵa alaıaqtyq deregi týraly taǵy bir aryz kelip tústi. Málim bolǵanyndaı, 2019 jyldyń naýryz-jeltoqsan aılarynda belgisiz azamatsha «úı alýǵa kómek beremin» dep aldaý-arbaý jolymen aqsha jymqyrǵan. Keltirilgen shyǵyn mólsheri -
8 mıllıon 350 myń teńge.
«Jedel-izdestirý sharalarynyń nátıjesinde polıtsııa qyzmetkerleri buryn sottalǵan 50 jastaǵy qala turǵynyn qolǵa túsirdi.
Atalǵan derekter boıynsha QR Qylmystyq Kodeksiniń 190-babynyń 3-bóligimen sotqa deıingi tergep-tekserý áreketteri júrgizilýde. Onda birneshe ret jasalǵan alaıaqtyq jaǵdaıy kórsetilgen. Kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada bóten bireýdiń atyna onlaın nesıe rásimdegen 64 alaıaq ustaldy.
