Qyzylordada kotlet, teftelı sekildi et ónimderinen ishek taıaqshasy tabyldy
Qyzylorda oblysynyń sanıtarııalyq-epıdemıologııalyq baqylaý departamentiniń mamandary sáýir aıynda ónimderdiń qaýipsizdigine monıtorıng júrgizý maqsatynda 173 synama satyp aldy.
Іriktep alynǵan ónimderdiń basym bóligi (71,7%) - taǵam ónimderiniń úlesinde.
Júrgizilgen saraptama nátıjesinde ónimderdiń 14 úlgisi t ehnıkalyq reglamentterdiń talabyna saı kelmeı shyqty.
Mıkrobıologııalyq kórsetkishter boıynsha 3 ónimnen sáıkessizdik tabyldy.
«Sondaı-aq, kotlet, teftelı, tartylǵan et sekildi jartylaı fabrıkattardan ishek taıaqshalary tobynyń bakterııasy tabyldy. Mundaı azyq-túlikti paıdalaný túrli ishek ınfektsııasy men taǵamnan ýlaný jaǵdaıyna alyp kelýi múmkin. Jyl basynan beri tirkelgen 281 jedel ishek ınfektsııasynyń 88%-y taǵam ónimderimen baılanysty bolyp otyr», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
Tehnıkalyq reglament talaptaryna saı kelmegen ónimder boıynsha óndirýshilerge tıisti shara qabyldaý qajettigi jóninde habarlama joldandy.
Eske salsaq, Qyzylordada jiti ishek ınfektsııasyn juqtyrý 30,5 paıyzǵa artyp otyr.
