Qyzylordada Qorqyt ata týraly hrestomatııalyq jınaq jaryqqa shyǵady
Atalmysh hrestomatııalyq jınaqqa «Qorqyt ata týraly ańyzdar men áńgimeler» degen ataý berilgen. Búgingi kúnderi bul jınaq baspada daıyndalyp jatyr. Jaqyn kúnderi oqyrmanǵa jol tartatyn bolady.
Jınaqta Qorqyt ata murasy, ol jaıynda jan-jaqty maǵlumattar, sol muranyń zerttelý tarıhy, zertteýdiń qazirgi barysy men bul baǵytta aldaǵy kezeńde atqarylatyn josparlar baıandalǵan.
«Bul zertteý - Qorqyt ata murasyn jan-jaqty taný baǵytyndaǵy súbeli eńbek. Qorqyt týraly ǵalymdar 19 ǵasyrdan bastap jan-jaqty zertteý júrgize bastady. Degenmen, áli de jarııalanbaǵan derekter, ashylmaǵan qupııalar bar», - dedi fılologııa ǵylymdarynyń doktory, professor Baǵdat Káribozuly.
Jınaqta Qorqyt jyrlarynyń tıpologııasy, tekstologııasy jasalǵan. Aldaǵy ýaqytta ǵalymdar «Qorqyt ata - álemdik tulǵa: Aqıqat pen ańyz» atty monografııany jaryqqa shyǵarýdy josparlap otyr.
Aıta keterligi, jaqynda «Qorqyt ata» murasy ıÝNESKO-nyń materıaldyq emes muralary tizimine engen edi.
Esterińizge sala ketelik, budan buryn Qyzylorda oblysynda balalarǵa arnalǵan arheologııalyq lager ashý josparlanyp otyrǵany habarlandy. Sondaı-aq, bıyl Syr óńirindegi Syǵanaq qalashyǵyn etonotýrızm ortalyǵyna aınaldyrý jumystary júrgizildi.
