Qyzylordada qobyzshylardyń respýblıkalyq baıqaýy bastaldy
Bul týraly búgin Óńirlik kommýnıkatsııalar qyzmetinde ótken baspasóz konferentsııasynda baıqaýdy uıymdastyrýshy, jyraý Maıra Sársenbaeva málimdedi.
«Qazirgi tańda Qorqyt ata murasyn jańǵyrtý, urpaqtan-urpaqqa nasıhattaý baǵytynda birshama aýqymdy jumystar atqarylýda. Solardyń biri, mine, búgin oblystyq mádenıet, arhıvter jáne qujattama basqarmasynyń uıymdastyrýymen Elbasymyzdyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda tuńǵysh ret uıymdastyrylyp otyr»,- dedi M. Sársenbaeva.
Baıqaýda 17-55 jas aralyǵyndaǵy elimizdiń ár óńirinen kelgen qylqobyzshylar Qorqyt kúılerin tógiltse, qobyzben súıemeldep jyr aıtýshylar Qoja Ahmet ıAsaýı hıkmetterinen jáne Tonykók, Kúltegin, Oǵyznama, Qorqyt dáýirindegi kóne jyr úlgilerinen úzindiler oryndaıdy.
