Qyzylordada HQKO tsıfrlandyrý baǵytynda nátıjeli jumystar atqaryp keledi
«Memlekettik korporatsııa qurylǵan kúnnen bastap-aq «Tsıfrly Qazaqstan» baǵdarlamasyn iske asyrýdy belsendi júrgize bastaǵanyn aıta keteıik. Memlekettik qyzmetterdi ońtaılandyrý, avtomattandyrý, aqparattyq júıelerdi ıntegratsııalaý arqyly bul baǵytta jetken jetistikterimiz de az emes. «Azamattarǵa arnalǵan úkimet» tsıfrlandyrý úderisiniń kóshbasshysy retinde elimizdegi tsıfrlandyrý isine yqpal etetin, naqty jobalarǵa bastamashy bolýda», - dedi «Azamattarǵa arnalǵan úkimet» memlekettik korporatsııasynyń Qyzylorda oblysy boıynsha fılıalynyń dırektory Aıdyn Qaırollaev.
Mamandardyń aıtýynsha, qazir memlekettik tizilimde 741 qyzmet túri qamtylǵan. Olardyń arasynda 598-i ıaǵnı atalmysh korporatsııa kórsetedi. Ol 83 paıyzdan astamyn quraıdy. Qazirgi kúni jergilikti turǵyndar sol qyzmetterdiń teń jartysynan kóbin, ıaǵnı 454 túrin úıde nemese keńsede kompıýtermen ınternet arqyly elektrondy formatta alýǵa múmkindik bar. Bul azamattardyń ýaqytty tıimdi paıdalanýyna oń áser etip otyr.
Ótken jylmen salystyrǵanda Halyqqa qyzmet kórsetý ortalyǵynda elektrondy qyzmet túrleri artyp keledi. Máselen, 2017 jyly - 449 723 qyzmet kórsetilse. Ol bıyl 529 155 qyzmetti qurady. Osylaısha dástúrli kórsetiletin qyzmet kórsetkishi 15 paıyzǵa tómendegen.
«Elbasynyń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda aıtylǵandaı, 2019 jyly memlekettik qyzmetterdiń 80 paıyzy elektrondy formatqa kóshýi tıis. Korporatsııa turaqty túrde bul baǵytta aýqymdy sharalardyń uıytqysy bolyp otyr. Sonymen qatar, «Tsıfrlyq Qazaqstan» memlekettik baǵdarlamasyn júzege asyrý jáne elektrondy qyzmetterdi úıretý boıynsha áskerı bólimderde, bankterde, joǵarǵy jáne orta bilim oshaqtarynda, qala, aýdan ákimdikterinde jáne basqa da eńbek ujymdarynda barlyǵy kóptegen is-shara ótkizildi. Bul sharalar barysynda 55 myńǵa jýyq adam qamtyldy. Aıta ketý kerek, korporatsııa osy maqsatta Qyzylorda oblysy ákimdigimen birlesken jobany júzege asyryp otyr. Sonyń aıasynda aımaqta 2018 jyldyń 1 qazanyna deıin 41 091 adam oqytylyp, shilde-qyrkúıek aılarynda 6 124 elektrondy sertıfıkattar tabystaldy. Turǵyndardy úıretý maqsatynda jelilik jospar qurylyp, josparǵa sáıkes úıretiletinder sanyn 72 myńǵa deıin kóbeıtý josparlanýda», - dedi A.Qaırollaev.
Qazir kóptegen qyzmet túri elektrondy formatqa kóshti. Bul qyzmetterdi kórsetý yqpaldastyrylǵan aqparattyq júıesin naqty jolǵa qoıýmen múmkin bolyp otyr. Óz kezeginde bul front-ofıstarǵa kelýshi halyqtyń legin birshama azaıtty.
Memlekettik korporatsııanyń árbir front-ofısi ózine-ózi qyzmet kórsetý «Connection Point» sektorymen jabdyqtalǵan. Ol jerde «elektrondyq úkimet» portaly jáne basqa da memlekettik resýrstarǵa shyǵý múmkindigi qamtamasyz etilgen.
Búginde «Azamattarǵa arnalǵan úkimet» tarapynan memlekettik qyzmetterdi ońtaılandyrý, zamanaýı tehnologııalardy engizý arqyly halyqqa yńǵaıly jańa ádisterdi qolaný keńinen qolǵa alyndy. Osyǵan sáıkes memlekettik organdar men azamattardyń arasyndaǵy tikeleı baılanysty boldyrmaý mindeti búginde sátti júzege asyp keledi.
Aıta keteıik, Qazaqstan TMD elderi arasynda alǵashqy bolyp memlekettik qyzmetterdiń proaktıvti qaǵıdatyn engizdi. Joba iske qosylǵannan beri oblys boıynsha 5 816 ata-ana elektrondy úkimetke portalyna tirkelip, sábıli bolǵan 5 300 anaǵa proaktıvti qyzmetterdi alýǵa SMS-usynys joldandy. Daıyn týý týraly kýálik 3 982 adamǵa tabystalyp, balabaqsha kezegine 3 488 bala tirkelgen. Sondaı-aq, taǵaıyndalǵan járdemaqylar - 2 262, tolyq tsıklde kórsetilgen qyzmetter - 1 322-ni qurady.
Jańashyldyqtyń arqasynda avtokólik ıeleri úshin júrgizýshi kýáligin aýystyrý jáne kólikterdi tirkeý jumystary aıtarlyqtaı jeńildedi. Endi avtokóligin tirkeýge kelgen azamat mamandandarylǵan halyqqa qyzmet kórsetý ortalyǵynda bos jatqan kez-kelgen nómirdi, naqtyraq aıtqanda saýdaǵa túspeıtin nómirdi jáne áriptik tańbalardy ózi tańdaıdy. Atalmysh qyzmettiń baǵasy nebári 6 734 teńge turady.
Al, vip nómirlerge mundaı jeńildik joq. Jyl basynan beri jalpy quny 75 414 645 teńgege 303 «ádemi» nómir satylǵan. Bul kórsetkish ótken jylmen salystyrǵanda 328 paıyzdy quraıdy.
«Azamattarǵa arnalǵan úkimet» óziniń qyzmetinde kádege asyryp, memlekettik qyzmetter kórsetýdiń birden bir quraly retinde paıdalanyp keledi.
Kelesi pılottyq joba - bir rettik parol jáne logın/parol kómegimen elektrondy tsıfrlyq qoltańbany paıdalanbaı-aq, 44 memlekettik qyzmetti, mysaly mekenjaı anyqtamasyn, sottalǵandyǵy bolýy ne bolmaýy týraly anyqtama jáne t.b. alýǵa bolady.
Árbir elektrondy portal qoldanýshysy osy fýnktsııa arqyly óziniń jeke málimetterine qoljetimdilikti qosa alady jáne jaýyp tastaı alady. Bul oraıda tyıym salý fýnktsııasyn tek jeke kabınet arqyly ǵana qosýǵa bolady. Aıta ketý kerek, bul servısti qoldaný úshin azamattar HQK ortalyqtaryna kelip mobıldi azamattar bazasyna tirkelýi tıis.
Sondaı-aq, sońǵy kezde qazaqstandyqtardyń elektrondy anyqtama alý úlesiniń ulǵaıýyna baılanysty jaqynda memlekettik korporatsııa bıometrıkalyq tehnologııany qoldaný aıasyn ulǵaıtpaq.
