Qyzylordada esirtki óndiriletin zerthana joıyldy

NUR-SULTAN. QazAqparat – QR ІІM Esirtki qylmysyna qarsy is-qımyl departamenti qyzylordalyq áriptesterimen birlesip, sıntetıkalyq esirtki óndiretin zerthanany joıdy, dep habarlaıdy QazAqparat Polisia.kz saıtyna silteme jasap.

Esirtki óndirýge qatysy bolýy múmkin degen kúdiktige baqylaý jedel túsken aqparatty tekserýden keıin júrgizile bastaǵan. Nátıjesinda kúdikti turmystyq hımııa qaptamasyna jasyrylǵan, ishinde sıntetıkalyq esirtkisi men suıyqtyǵy bar sálemdemeni alyp jatqan jerinen ustaldy.

Kúdiktiniń páterin tintý kezinde esirtkini óndirý faktisin dáleldeıtin esirtki zattarynyń qaldyqtary bar ydys-aıaq, elektrondy tarazylar, boıaǵyshtar, jeke qorǵanys quraldary tabyldy.

Onyń telefonynyń ishindegi aqparatty zerttegennen keıin polıtsııa qyzmetkerleri esirtki jasyrylǵan 13 jerdi anyqtady. Іshinde sıntetıkalyq esirtikisi bar 21 túıirshik tárkilendi. Ustalǵan adam kórsetkendeı, ol bul esirtkilerdi messendjerler arqyly satqan, tólemdi aqsha aǵyndaryn baqylaý qıyn bolý úshin krıptovalıýtamen alyp otyrǵan. Jalpy eki lıtr suıyq sıntetıkalyq esirtki jáne satylymǵa daıyn esirtki túıirleri alyndy.

Osyǵan baılanysty kudiktige qatysty esirtki daıyndaý jáne ony satý faktisi boıynsha qylmystyq is qozǵaldy. Kúdiktiniń múlki tárkilenip, 15 jylǵa deıin bas bostandyǵynan aıyrylýy múmkin.

Qazirgi ýaqytta jedel-tergeý is-sharalary júrip jatyr, esirtki arnalary men esirtki saýdasyna qatysy bar adamdar anyqtalyp jatyr.