Qyzylordada aýyl turǵyny sheńgel men sekseýildiń arasyna esirtki ósirgen
Ol «Qarasora-2022» jedel-profılaktıkalyq sharasy kezinde qolǵa tústi.
Qyzylorda qalasynda turatyn 37 jastaǵy jumyssyz azamat Shıeli aýdanyna qarasty Jýantóbe aýylynan ońtústik-batysqa qaraı 45 shaqyrym jerdegi sheńgel men sekseýil arasynda sora ósirgen.
«Arnaıy baptap ósirilgen soranyń uzyndyǵy 60-70 santımetrge jetken. Polıtseıler oqıǵa ornynan iri esirtki alqabynan bólek arnaıy keptirilgen marıhýana, sora ósirýge arnalǵan arnaıy jabdyqtar, eki nasos, palatka, motor jáne ózge de zattardy tárkiledi. Tárkilengen 4 116 túp sora ósimdiginiń jalpy salmaǵy 34 kelini qurady», - dep málim etti Qyzylorda oblystyq polıtsııa departamentinen.
Vedomstvo málimetinshe, kúdikti Shıeli aýdandyq polıtsııa bóliminiń ýaqytsha ustaý ızolıatoryna qamaýǵa alynǵan.
Bul derek boıynsha QR Qylmystyq kodeksiniń 296-babynyń 3-bóligimen jáne 300-babynyń 2-bóligimen sotqa deıingi tergeý júrip jatyr.
Eske salsaq, budan buryn Qyzylordada sıntetıkalyq esirtki zattaryn tasymaldaǵan almatylyq boıjetken qolǵa túsken edi.
Foto: polisia.kz
