Qyzylordada alaıaqtyq qylmysynyń basym bóligi ınternet arqyly jasaǵan

QYZYLORDA. QazAqparat- Qyzylorda qalasynda jyl basynan beri 224 alaıaqtyq deregi tirkelgen. Olardyń 121-i ınternet jelisi arqyly jasalǵan, dep habarlaıdy QazAqparat tilshisi.

Alaıaqtyq qylmyspen aınalysatyndardyń 70 paıyzy – áıelder.

Qazirgi tańda alaıaqtyq qylmysy byltyrǵymen salystyrǵanda 44,1 paıyzǵa azaıǵan

«Bul halyqtyń quqyqtyq saýatynyń jyldan-jylǵa ósip kele jatqandyǵyn bildiredi. Polıtsııa qyzmetkerleri kúndelikti halyqqa alaıaqtyqtan saqtaný joldaryn túsindirýde. Turǵyndar osyǵan mán berýi qajet. Alaıda, aldap-arbaýdyń jeteginde ketip jatqandar kóp», - dedi Qyzylorda qalalyq polıtsııa basqarmasynyń bastyǵy Ábdibek Janazarov.

Eske salsaq, budan buryn Qyzylordada tólem termınalyn buzyp, aqsha urlaǵan áıel ustalǵan.