Qyzylordada aqqýdy zańsyz aýlaý deregi tekserilip jatyr

QYZYLORDA. QazAqparat - Qyzylorda oblysynda aqqýdy zańsyz aýlaý deregi boıynsha taralǵan vıdeoǵa qatysty anyqtaý jumystary júrgizilýde, dep habarlaıdy QazAqparat tilshisi.

Áleýmettik jelide aqqýdy tabıǵı ortadan zańsyz alý áreketi týraly beınejazba jarııalanǵan.

Bul jóninde Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasy túsiniktime berdi.

«Áleýmettik jelide belgisiz adamnyń aqqý qusyn tabıǵı ortadan zańsyz alyp qoıý áreketi týraly beınejazba jarııalandy. Onda QR Qylmystyq kodeksiniń 337-babyna sáıkes zańsyz ań aýlaý áreketi bar. Osyǵan baılanysty quqyq buzýshyny jáne onyń zańsyz is áreketin anyqtap, zań aıasynda tıisti sheshim qabyldaý úshin Qyzylorda oblystyq polıtsııa departamentine ınspektsııa tarapynan 22 jeltoqsanda hat joldandy. Osy máselege baılanysty tıisti sheshim qabyldanady», - dep jazylǵan ınspektsııa taratqan habarlamada.

Al atalǵan beınejazbaǵa qatysty ázirge bul is oblystyq polıtsııa departamentinde tirkelmegenin atap ótti. Oǵan qatysty tekserý jumystary jalǵasýda.

Eske salsaq budan buryn Jezqazǵan-Qyzylorda tasjolynda toqtatylǵan kólikten atylǵan kıik tabyldy.