Qyzylordada 8 turǵynnyń 10 mln teńgesin aldap alyp ketken áıel ustaldy
Qyzylorda qalalyq polıtsııa basqarmasynyń kezekshi bólimine oblys ortalyǵynyń 8 turǵyny alaıaqtyq árekettiń qurbany bolǵandyǵy jóninde aryzdandy.
«2021 jyldan bastap áıel jábirlenýshilerdi memlekettik baǵdarlama boıynsha páter, qaıtarymsyz nesıe, grant alyp beremin dep aldaǵan. Saldarynan olardan 10 mıllıon teńgege jýyq aqshany jymqyryp ketken. Polıtsııa qyzmetkerleri jan-jaqty tekserý jumystaryn júrgizdi. Nátıjesinde buryn sotty bolǵan 37 jastaǵy kúdikti áıel ustaldy. Ol ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.
Vedomstvo málimetinshe, kúdiktige qatysty QR Qylmystyq kodeksiniń 190-babynyń 3-bóligi 4-tarmaǵymen (Alaıaqtyq) sotqa deıingi tergep-tekserý áreketteri júrgizilýde.
Eske salsaq, budan buryn Qyzylordada antıkorǵa jumysqa turǵyzyp berem dep elden aqsha alǵan alaıaq ustaldy.
https://kaz.inform.kz/news/kyzylordada-antikorga-zhumyska-turgyzyp-berem-dep-elden-aksha-algan-alayak-ustaldy_a4013657
