Qyzylordada 33 qasqaldaq atyp alǵan ańshylar ustaldy
Aral aýdany polıtsııa bóliminiń qyzmetkerleri 1 qarashada reıd júrgizgen bolatyn. Atalǵan shara barysynda Kishi Aral teńiziniń aımaǵynda ańshylyqpen zańsyz aınalysqan 3 azamat qolǵa tústi.
Olar mingen «Nıva» avtokóligin tekserý barysynda 56 keli sazan balyǵy, 37 qus (33 qasqaldaq, qaz, úırek) tárkilendi. Sondaı-aq, olardan 3 ańshy myltyǵy jáne 140 dana oq alyndy.
«Qolǵa túsken azamattardyń úsheýi de jumyssyz. Barlyǵy Aral aýdanynda turady. Tekserý barysynda olardyń qolyndaǵy ańshy myltyǵy ishki ister organdarynda tirkeýde joq ekendigi anyqtaldy. Saraptamalar taǵaıyndaldy. Atalǵan derek boıynsha QR Qylmystyq kodeksiniń 337-baby 1-bóligimen (Zańsyz ańshylyq) tergep-tekserý amaldary júrgizilýde», - dep málim etti Qyzylorda oblystyq Polıtsııa departamentinen.