Qyzylordada 28 myńǵa jýyq adam koronavırýs vaktsınasyn saldyrdy

QYZYLORDA. QazAqparat - Qyzylorda oblysynda 28 myńǵa jýyq adam koronavırýs vaktsınasyn saldyrdy, dep habarlaıdy QazAqparat tilshisi.

Óńirde koronavırýsqa qarsy ekpe qabyldaý 1 aqpannan bastaldy. Sol ýaqyttan beri oblys ortalyǵynda 17 712 adam vaktsına saldyrsa, aýdandarda 10 026 adam ekpe qabyldady. Aıta keterligi, 28 sáýirde oblysta 3 250 turǵynǵa ekpe jasaldy.

«Ekpe alǵan turǵyndar dárigerler baqylaýynda, densaýlyǵyna qatysty shaǵymy joq. Barlyǵy avtorızatsııalaýdyń biryńǵaı tetigi arqyly «Densaýlyq saqtaýdyń biryńǵaı aqparattyq júıesine engizildi», - dep málim etti Qyzylorda oblysy ákimdiginiń baspasóz qyzmeti.

Oblys turǵyndaryna «Spýtnık V» jáne QazVac vaktsınalary salynyp jatyr.

Aıta keterligi, búginge deıin óńirde 5 427 adam koronavırýs juqtyrdy. Olardyń 4489-y syrqatynan jazylyp shyqty.