Qyzylordada 131 kandıdat ákim saılaýyna qatysýǵa múmkindik aldy
Óńirde 40 aýyldyq okrýg boıynsha ákim saılaýyna 151 kandıdat usynys bildirgen bolatyn. Olardyń arasynda 53-i saıası partııalar quramynan bolsa, 98-i ózin-ózi usynýshylar.
«Kalendarlyq josparǵa sáıkes ákimdikke kandıdattardy tirkeý 14 shilde jergilikti ýaqyt boıynsha 18.00-de aıaqtaldy. Nátıjesinde 134 kandıdat tirkeldi. Olardyń arasynda 49-y saıası partııalar quramynan bolsa, 85-i ózin-ózi usynǵandar. Aıta keterligi, 3 kandıdatty tirkeý toqtatyldy. Bul boıynsha 2 kandıdattyń deklaratsııa málimetteri durys kelgen joq, 1 kandıdat óz ótinishine sáıkes ákimder saılaýyna qatysýdan bas tartty», - dedi oblystyq saılaý komıssııasynyń tóraǵasy Ǵalym Baımyrzaev.
Onyń aıtýynsha, barlyq talaptarǵa saı kelgen 131 úmitker ákimder saılaýyna qatysýǵa múmkindik aldy. Ol barlyq usynylǵan azamattardyń 86,7% quraıdy.
Túrli sebepter boıynsha 17 kandıdat alynyp tastaldy. Onyń ishinde 9-y memlekettik qyzmet isteri jónindegi agenttiginiń E-R-1 sanatyna sáıkes emestigi boıynsha atalǵan tizimnen shyǵaryldy. Al 7--i óz kandıdatýrasyn alý týraly ótinish bildirgen. Al 1 adam 14 shilde saǵat 18.00-ge deıin barlyq qajetti qujattardyń usynǵan joq. Oblys boıynsha 137 kandıdattyń qujattary arnaıy tekserýge jiberildi. Barlyq tirkelgen kandıdattar tıisti aýyldyq okrýgten kandıdat kýáligin alyp, saılaý bıýlletenine engizildi», - dedi oblystyq saılaý komıssııasynyń tóraǵasy.
Kandıdattardy tirkeý týraly habarlama tıisti aýmaqtyq saılaý komıssııalarynyń ınternet-betterinde jáne jergilikti buqaralyq aqparat quraldarynda ornalastyrylǵan.
Oblys boıynsha 2 saılaý okrýginde 2, 28-de 3, 8-de 4, 1-de 5, 1-de 6 kandıdat el senimine ıe bolýǵa kúsh salady. Sondaı-aq, 1 saılaý okrýginde 3, 10 okrýgte – 2, 26 okrýgte 1, 3 okrýgte - tek ózin-ózi usyný jaǵdaıy kórinis berdi, olarda saıası partııa ókilderi joq», - dedi Ǵ. Baımyrzaev.