Qyzylorda turǵyny nesıe áperem dep tanysynyń 5,6 mln teńgesin qaltasyna basty

QYZYLORDA. QazAqparat - Qyzylordada tanysynan qomaqty aqshany aldap alyp ketken adam ustaldy, dep habarlaıdy QazAqparat tilshisi.

Qyzylorda qalalyq polıtsııa basqarmasyna 52 jastaǵy qala turǵyny alaıaqtyq qurbany bolǵany jóninde aryz túsirdi.

Oǵan tanysy qomaqty kólemde nesıe alyp beretinin aıtqan.

«Nátıjesinde alaıaq tanysynan 5,6 mln teńge aqshany qaltasyna basqan. Qylmysty ashý boıynsha jedel-tergeý toby quryldy. Bul boıynsha 49 jastaǵy er adam ustaldy. Atalǵan derek boıynsha QR Qylmystyq kodeksiniń 190-babynyń 3-bóligimen sotqa deıingi tergep-tekserý júrip jatyr», - dep málim etti basqarmadan.

Vedomstvo málimetinshe, kúdiktige qolhatpen bosatylǵan.

Eske salsaq, budan buryn Qyzylordada ekstremıstik baǵyttaǵy materıaldardy saqtaǵan adam ustalǵan bolatyn.