Qyzylorda oblysyndaǵy ákim saılaýyn 300-den astam baqylaýshy qadaǵalaıdy
40 aýyldyq okrýgte ákim saılanady. Saılaý protsesin baıqaý úshin «Partııalyq emes baıqaý ortalyǵy» respýblıkalyq qoǵamdyq birlestiginiń oblystyq fılıaly 300-den astam táýelsiz baıqaýshyny daıarlaýda.
«Elimizde tuńǵysh ret aýyldyq okrýgteri ákimderiniń saılaýy ótedi. Osy oraıda atalǵan mańyzdy sharanyń ashyqtyǵy men zańdylyǵyn baıqaý úshin elimizde «Partııalyq emes baıqaý ortalyǵy» qurylǵan. Atalmysh ortalyq atynan bizdiń óńirimizde 300-den astam baıqaýshy arnaıy oqytýdan ótti. Maqsatymyz - aldaǵy mańyzdy sharanyń ashyq, zańǵa sáıkes ótýine óz úlesimizdi qosý»,- deıdi «Partııalyq emes baıqaý ortalyǵy» respýblıkalyq qoǵamdyq birlestiginiń Qyzylorda oblystyq fılıalynyń tóraǵasy Jandos Tusmaǵambetov.
Qazir baıqaýshylar arnaıy oqytýdan ótip, saılaý protsesine qatysty bilimin shyńdaýda. Jalpy, Partııalyq emes baıqaý ortalyǵynyń qyzmeti saılaýdy, onyń ishinde saılaý ýchaskelerinde baıqaý men monıtorıng júrgizý arqyly saılaý protsesine júıeli túrde qatysýǵa baǵyttalǵan.
