Qyzylorda oblysynda tótenshe jaǵdaı talabyn buzǵan 289 adam anyqtaldy
Oblystyq polıtsııa departamenti halyqtyń qaýipsizdigi men tynyshtyǵyn qamtamasyz etý baǵytynda jedel is-sharalar júrgizip keledi. Óńirde 5-19 qańtar aralyǵynda tótenshe jaǵdaı rejımi jarııalanyp, oǵan qatysty negizgi sharalar men shekteýler bekitildi.
Tótenshe jaǵdaı talaptaryn buzǵany úshin 289 adam anyqtaldy. Onyń ishinde Ákimshilik kodekstiń 476-babymen - 215, 488-babymen - 74 quqyq buzýshylyq tirkeldi. Qyzylorda oblysynyń mamandandyrylǵan ákimshilik soty 7azamatqa eskertý berilip, 28-ne aıyppul salynsa,186-sy ákimshilik qamaýǵa alyndy.
«Ótkizilip jatqan is-sharalardyń basty maqsaty - qoǵamdyq tártipti saqtaý jáne turǵyndardyń qaýipsizdigin qamtamasyz etý, sondaı-aq túrli quqyqqa qarsy is-áreketterge jedel nazar aýdarý.
Tótenshe jaǵdaı rejımi kezindegi talaptardyń saqtalýyn qadaǵalaý maqsatyndaǵy jumystar jalǵasýda» ,- dedi Qyzylorda oblysynyń komendanty, polıtsııa polkovnıgi Bektóre Sultan.