Qyzylorda oblysynda iri kólemdegi esirtki alqaby anyqtaldy
Qyzylorda oblysy Polıtsııa departamenti Esirtki qylmysyna qarsy is-qımyl basqarmasy men Qarmaqshy aýdandyq polıtsııa bóliminiń qyzmetkerleri jedel is-shara júrgizdi. Іs-shara barysynda aýdanǵa qarasty dalalyq jerde 766 túp sora ósimdigin ekken Qyzylorda qalasynyń 58 jastaǵy qala turǵyny qolǵa tústi.
«Oqıǵa ornynan azyq-túlik, sora ósirýge arnalǵan arnaıy jabdyqtar, palatka, generator jáne ózge de zattar tárkilendi. Saraptama qorytyndysyna sáıkes zattaı dáleldeme retinde 3,5 keli sora ósimdigi anyqtaldy.Kúdikti Qarmaqshy aýdandyq polıtsııa bóliminiń ýaqytsha ustaý ızolıatoryna oqshaýlandyryldy. Atalǵan derek boıynsha Qylmystyq kodekstiń 300-babynyń 2-bóligimen sotqa deıingi tergep-tekserý áreketteri júrgizilýde. Onda iri mólsherde quramynda esirtki zattary bar, ósirýge tyıym salynǵan ósimdikterdi zańsyz egip-ósirý jaǵdaıy kórsetilgen», - dep málim etti Qyzylorda oblystyq polıtsııa departamentinen.
Vedomstvonyń habarlaýynsha, jyl basynan beri oblysta esirtki qylmysynyń 96 deregi anyqtaldy.
Eske salsaq, budan buryn Qyzylordada taǵy bir iri esirtki alqaby joıyldy.
