Qyzylorda oblysynda eki kún elektr stantsııasy salynady

QYZYLORDA. QazAqparat-Taıaý  ýaqytta  Qyzylorda oblysynda  eki kún elektr stantsııasy salynady. Bul týraly oblys ákimi Qyrymbek Kósherbaev oblys aktıviniń jınalysynda aıtty, dep habarlaıdy QazAqparat tilshisi.

Investor «Baıqońyr Solar» seriktestigi Sulýtóbe men Birqazan eldi mekenderiniń aralyǵynda qýattylyǵy 50 MVt kún elektr stantsııasynyń qurylysyn salýdy josparlap otyr. Qazirgi ýaqytta ekonomıkalyq negizdemesi ázirlenýde.

Sonymen qatar, Jalaǵash aýdanynda qýattylyǵy 30 MVt kún elektr stantsııasynyń qurylysyn salý josparda bar. Stantsııanyń qurylys jumystaryna ınvestor «Nomad Solar» seriktestigi nıet bildirip otyr.

Atalǵan is-sharalardy iske asyrý óńirdiń ekonomıkalyq damýyna, sondaı-aq, «jasyl ekonomıkaǵa» kóshý tujyrymdamasynda qarastyrylǵan maqsattarǵa jetýge oń yqpalyn tıgizedi.