Qyzylorda oblysynda «Ashyq» jobasyna qosylǵan nysandar jumysyna shekteýler alynyp tastaldy

QYZYLORDA. QazAqparat - Qyzylorda oblysy Bas memlekettik sanıtarııalyq dárigeriniń jańa qaýlysy shyqty, dep habarlaıdy QazAqparat tilshisi.

Atalǵan qaýlyda 2022 jylǵy 14 qańtardaǵy №1 Qaýlysyna ózgerister men tolyqtyrýlar engizilgen.

Oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaevanyń habarlaýynsha, №1 qaýlyǵa sáıkes «Ashyq» jobasyna qatysýyna qaramastan kontsert zaldarynyń, teatrlar, fılarmonııalardyń jumysyna, dinı birlestikter obektileri men aýmaqtarynda (meshitter, shirkeýler, soborlar, sınagogalar jáne t. b.) buqaralyq is-sharalardy (juma namazy, dinı joralar jáne t. b.) ótkizýge tyıym salynǵan edi.

Sondaı-aq, osyndaı talaptar konferentsııalardy, semınarlardy, kórmelerdi, forýmdardy ótkizýge (kózbe-kóz rejımde keńesterdi (otyrystardy) qashyqtyqtan ótkizý múmkindigi bolmaǵan jaǵdaıdy qospaǵanda), túngi klýbtarynyń jumysyna; qoǵamdyq tamaqtaný obektilerinde qyzmet kórsetýge, án aıtý jáne bı bıleý qyzmetin kórsetetin karaoke jumysyna (qoǵamdyq tamaqtaný qyzmetin qospaǵanda), jeke kezdesýlerdi ótkizýge (egilgen 10 adamǵa deıingi jaǵdaılardy qospaǵanda) qoıylǵan.

Jańadan shyqqan №4 qaýlyda «Ashyq» jobasyna qosylǵan nysandardyń jumysyna qatysty atalǵan shekteýler alynyp tastalǵan.

«Ashyq» jobasyna qatyspaıtyn nysandar QR Bas memlekettik sanıtarııalyq dárigeriniń 2021 jylǵy 10 qyrkúıektegi №42 Qaýlysynyń talaptaryn saqtaýǵa mindetti.

Eske salsaq, Qyzylorda oblysynda 23 myńnan astam adam «Pfizer» vaktsınasyn saldyrdy.