Qyzylorda oblysynda alaıaqtyq qylmysy 54,4 paıyzǵa azaıdy
Óńirde jyl basynan beri alaıaqtyq qylmysqa qatysty 139 is tirkelgen. Bul byltyrǵy jylmen salystyrǵanda 54,5 paıyzǵa tómen. Al ınternet-alaıaqtyq qylmysy 68,3 paıyzǵa azaıdy.
«Bıyl alaıaqtyqqa baılanysty 13 qylmystyq is sotqa joldandy. Sondaı-aq, qarjy pıramıdasyn qurýdyń 1 deregi anyqtaldy. Qazirgi tańda bul is boıynsha tergeý jumystary jalǵasýda. Jyl kóleminde turǵyndar arasynda alaıaqtyqtyń qurbany bolmaý úshin profılaktıkalyq sharalar júrgiziledi. Kóbinese alaıaqtar adamdarǵa qońyraý shalyp nemese «Whatsapp» jelisi arqyly jeńil aqsha usynady. Sondyqtan tanys emes adamnan osy sekildi usynystar tússe, jiti tekserýdi nemese polıtsııa qyzmetkerlerine habarlasýdy suraımyz», - dedi oblystyq polıtsııa departamentiniń tergeý jónindegi basqarma bastyǵy Nursultan Áltaı.
