Qyzylorda oblysynda 370 óleń, 2 poemany jatqa aıtatyn jasóspirim turady

QYZYLORDA. QazAqparat - Bıyl 11-13 qyrkúıek aralyǵynda Semeı qalasynda XVІІІ Respýblıkalyq «Abaı jáne Shákárim» oqýlary ótkizildi. Oǵan Qyzylorda oblysy Qarmaqshy aýdanynyń Tóretam kentindegi №80 mektep-gımnazııanyń 6-synyp oqýshysy Jantanova Aqerke 370 óleń, 2 poema jattap, qatysty, - dep habarlady QazAqparat tilshisi.

Ol baıqaýǵa qatysýshylardyń ishindegi eń jasy jáne respýblıka boıynsha Abaı shyǵarmalaryn jattaýdan ekinshi oryn ıelendi.

Oqýshyny baptap, baıqaýǵa qosqan - qazaq tili men ádebıeti pániniń muǵalimi Júnisova Maqpal Mergenbaıqyzy XVІІІ Respýblıkalyq «Abaı jáne Shákárim» oqýlarynda «Sóz zergeri» nomınatsııasymen marapattaldy.