Qyzylorda oblysynda 2 016 turǵyn Pfizer vaktsınasyn saldyrdy
Óńirge 12-17 jas aralyǵyndaǵy jasóspirimderdi, bala emizetin jáne aıaǵy aýyr áıelderdi koronavırýsqa qarsy vaktsınalaý úshin Pfizer preparatynyń 23 400 dozasy jetkizildi.
«15 qarashadan qazirge deıin atalǵan vaktsınany 2 016 turǵyn saldyrdy. Onyń ishinde júkti áıelder sany - 366, laktatsııa kezeńindegi áıelder sany - 226, 12-17 jas aralyǵyndaǵy jasóspirimder sany - 1424 adamdy quraıdy», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Vedomstvo málimetinşe, qazir oblysta koronavırýs ınfektsııasynyń epıdemıologııalyq ahýaly turaqty. Óńirde koronavırýs ınfektsııasy boıynsha barlyǵy 19 251 jaǵdaıy tirkelgen. Ótken táýlikte 5 derek anyqtaldy. Olardyń 4-i vaktsına almaǵan adamdar.
23 qarashadaǵy jaǵdaı boıynsha koronavırýs ınfektsııasyna qarsy vaktsınatsııalaýdyń birinshi dozasyn 397 756 adam aldy. Bul - tıisti kontıngenttiń 87,9 paıyzy. Al ekinshi dozasy boıynsha 336 838 adam ekpe qabyldady.
Eske salsaq, Qyzylordada úı karantıninde oqshaýlaný tártibin buzǵan 1150 azamat anyqtaldy.
