Qyzylorda oblysynda 107 myńnan astam adam revaktsınatsııadan ótti
Óńirde revaktsınatsııa jasaý úshin ekpe qory jetkilikti. Atap aıtqanda, «QazVac», «SinoVac», «Pfizer», «Spýtnık Laıt» preparattary qoldanylýda.
2021 jyldyń qarashasynan bastalǵan revaktsınatsııadan barlyǵy 107 595 adam ótti. Basym kópshiligi - oblys ortalyǵynyń úlesinde. Al aýdandar boıynsha joǵary kórsetkishter Aral, Qazaly, Jańaqorǵanǵa tıesili.
«Revaktsınalaý boıynsha medıtsına qyzmetkerleri, muǵalimder men kúshtik qurylym qyzmetkerleri kósh bastap tur. Sondaı-aq, 60 jastan asqan azamattardyń úlesi joǵary. Stýdentter men sozylmaly aýrýlary bar adamdar arasynda da revaktsınalaý kórsetkishi arta tústi. Oblys kóleminde ımmýndaýdan keıin asqyný jaǵdaıy tirkelgen joq», - dep málim etti oblystyq Sanıtarııalyq-epıdemıologııalyq baqylaý departamentinen.
Eske salsaq, Qyzylorda oblysynda 40 myńǵa jýyq oqýshy Pfizer vaktsınasyn saldyrdy.
