Qyzylorda oblysyna «Pfaizer» vaktsınasynyń 17 myń dozasy jetkiziledi

QYZYLORDA. QazAqparat - Qyzylorda oblysyna jaqyn kúnderi «Pfaizer» vaktsınasynyń 17 myń dozasy jetkiziledi, dep habarlaıdy QazAqparat tilshisi.

Óńirge 17 qarashaǵa deıin «Pfaizer» vaktsınasynyń 17 myń dozasy jetkiziledi. Bul boıynsha barlyǵy 97 myń doza alynady dep josparlanǵan. Aldymen ekpe 17-18 jastaǵy jasóspirimderge salynady. Ol úshin mindetti túrde ata-anasynyń kelisimi alynady. Al, júktiligi 16-37 aptadan asqan júkti áıelderge de vaktsına saldyrýǵa bolady.

«Sońǵy kúnderi aýa raıynyń turaqsyzdyǵyna baılanysty JRVI, tumaý aýrýlarynyń taralýy kúrt kóbeıýde. Tynys alý aýrýlary kúrt ósken jaǵdaıda aýrýhanada negizgi emdeý oryndaryna qosymsha tósek oryn sany kóbeıip otyrady. Kópbeıindi oblystyq balalar aýrýhanasy men oblystyq juqpaly aýrýlar aýrýhanasyndaǵy tósek oryndar sany tolyq», - dedi oblystyq densaýlyq saqtaý basqarmasynyń basshysy Sábıt Pazylov.

Bıyl oblys kóleminde jedel respıratorly vırýsty ınfektsııasynyń 19 851 jaǵdaıy esepke alynǵan. Bul ótken jyldyń osy merzimimen salystyrǵanda - 26,9 paıyzǵa joǵary.

Eske salsaq, buǵan deıin koronavırýsty baǵalaý matrıtsasynda Qyzylorda oblysy jasyl» aımaqqa ótkenin habarlaǵan bolatynbyz.