Qyzylorda kolledjinde kishi Assambleıa ortalyǵy jumys isteıdi
Mádenı sharanyń ereksheligi - kolledjdegi kóshbasshy jastardyń bul keshti óz bastamalarymen, belsendilikterimen, zamanaýı ıdeıalarymen uıymdastyrǵandyǵynda.
Іs-sharanyń basty maqsaty: «Biz dostyqqa senemiz!» - degen uranmen kolledjde bilim alyp júrgen ózge ult ókilderiniń basyn qosyp, etnosaralyq toleranttylyq mádenıetin qalyptastyrý, «Máńgilik El» uǵymyndaǵy dostyq pen tatýlyqtyń mańyzdylyǵyn aıshyqtaý bolyp tabyldy.
Qazaqta «Otany birdiń - tilegi bir, júregi bir» degen jaqsy sóz bar. Júzi basqa bolsa da júregi bir, tili basqa bolsa da tilegi bir, atasy basqa bolsa da, Otany bir qanshama ulttar men ulystardy biriktirip otyrǵan Syr eliniń de tatýlyq pen birlikti saqtaýda qosar úlesi mol. Batyr qyz atyndaǵy bilim shańyraǵynda da birneshe ulttyń ókilderi bilim alýda. Assambleıa jylyna oraı oqý ornynda alǵash ret kishi Assambleıa ortalyǵy ashyldy. Kishi Assambleıa quramynda ózbek, túrik, sheshen, tatar, orys, ázirbaıjan, tájik, chývash, káris ulttary bar.
Kolledjde bilim alyp, qazirgi tańda óz mamandyǵy boıynsha jumysqa ornalasqan Tamara Bıtseeva - «Shetel tili» bóliminiń túlegi. Qazirgi tańda Tamara Jalaǵash aýdanynyń Aqqum aýylyndaǵy № 38 A. Bısenov atyndaǵy orta mektebinde aǵylshyn tili pániniń muǵalimi bolyp jumys isteýde.
Maksım Tımoshenko- «dene shynyqtyrý jáne sport» mamandyǵynda bilim alyp, qazirgi tańda «Evrazııa» sport kesheninde júzýden nusqaýshy qyzmetin atqarýda. Osy túlekter is-sharanyń basty qonaqtary boldy.
Bul kezdesýge kolledj stýdentteriniń ata-analary ShT-M-13 oqý tobynyń ІІ kýrs stýdenti Mınýlına Kamılanyń anasy Mınýlına Rıta Ravılqyzy jáne BB-S-12 oqý tobynyń stýdenti Manbaeva Ekaterınanyń anasy Gafarova Natalıa Borısovna da qatysty. Kamılanyń anasy Rıta Ravılqyzy: «Bul kolledjde bilim alý úshin meniń qyzyma barlyq jaǵdaılar jasalǵan. Osynda basqa tilderdi úırenýmen qatar kompıýterlik baǵdarlamalardy da ıgerdi. Kamıla óz dostarymen birge qazaq tilinde, tatar tilinde án aıtady. Qazaq tilinde taza sóılep, aǵylshyn tilinde esse jazady. Bolashaq pedagogtardy tárbıeleýdegi eńbegi úshin kolledj dırektory Álıma Jaqypqyzyna rahmet aıtamyn. Beıbit zamanymyzdyń arqasynda balalarymyzdan zor úmit kútemiz»,- degen izgi nıetin bildirdi.
Keshtiń arnaıy qonaǵy «Slavıane» etno-mádenı ortalyqtyń ókili: Marııa Býsygına: «Jeke tulǵanyń tolerantty ósýine «Slavıane» etno-mádenı ortalyqpen tyǵyz baılanysý kóp yqpal etedi. Bul zalda birneshe ózge ult ókilderiniń stýdentteri jınalyp otyr. Sizder bolashaq pedagog retinde jas urpaqqa durys baǵdar berip, bizdiń ultaralyq dostyǵymyzdy saqtaýlaryńyz qajet, mine, osy baǵyttaǵy jasap jatqan ulaǵatty tirlikterińizge dán rızamyz. Sizder bilim alyp jatqan M.Mámetova atyndaǵy kolledjde barlyq jaǵdaılar jasalǵan, sondyqtan osy múmkindikti barynsha paıdalana bilińizder», - degen oılary barlyq qatysýshy jastardy jigerlendirip, óz bilim ordasyna degen maqtanysh sezimderin arttyrdy deýge bolady. Etno-mádenı saýyq keshi «Jiger» tobynyń oryndaýyndaǵy «Alǵa Qazaqstan» ánimen aıaqtaldy.
