QYZYQ DEREK: Aıdyn Aıymbetov kúreske qatysyp, parashıýtpen 360 ret sekirgen

ASTANA. QazAqparat - 1993 jyly ózimdi ǵaryshkerler qataryna engizý jóninde ótinish bildirdim. Oǵan deıin Taldyqorǵandaǵy áýe bazasynda komandır bolyp qyzmet etkem. 470 saǵat áýede ushyp, parashıýtpen 360 ret sekirdim. Ózime nyq senimdi edim, deıdi qazaqtyń úshinshi ǵaryshkeri Aıdyn Aıymbetov «Qostanaı tańy» gazetine bergen suhbatynda.

«Buıyrtyp, 2002 jyldyń 9-qarashasynda Qazaqstan Respýblıkasynyń ǵaryshkerleriniń qataryna qosylyp, 2003 jyly medıtsınalyq tekserýden ótip, jattyǵý jumystaryna kiristim. Al, 2009 jyldyń 15-jeltoqsanynda Memlekettik Ant qabyldap, «Qazǵarysh» basshysynyń keńesshisi retinde qabyldandym. Sodan keıingi jyldary osy agenttikte bólim basshysy, departament basshysy sııaqty birqatar laýazymdy qyzmetterdi atqardym. 2014 jyly oǵan QR Áskerı-áýe kúshteriniń polkovnıgi ataǵyn aldym. Sonymen qatar, biraz jyl kúrespen de aınalysqan kezderim de boldy. Qazir áskerı joıǵysh ushaqtardy basqaratyn mamanmyn», - deıdi ǵaryshker.

Sonymen qatar, Aıdyn Aıymbetov suhbatynda adamzat aldynda turǵan ekologııalyq máselelerdi aıtqan.

«Aral men Kaspııdi sýretke túsirip, monıtorıngin jasaý kezinde Qazaqstandy alǵash baqyladym. Illıýmınatorda turyp, obektıvke kerek aýdandardy syıǵyzý kerek edi, al Halyqaralyq ǵarysh stansasy (HǴS) sekýndyna 7,8 kılometrmen ushty. Aral teńizin birden baqyladym, munaıly ólkeni tabýda sál eńbektenýdi qajet etti. Aral teńizinen shań-tozań tolqyny shyǵyp jatyr. HǴS Jer sharyn 92 mınýtta aınalady. Kerek aýdandy túsire almaı qalsam, taǵy da sondaı ýaqyt kútýge týra keledi. On kúnge sozylatyn sapar barysynda basqa da fızıkalyq-ǵaryshtyq tájirıbeler men ekologııaǵa qatysty monıtorıng júrgizip, shańdy daýyldy zerttedim.

Bizder atmosfera qabatynan ózge ǵalamsharlardy múlde kóre almaımyz. Ǵaryshta mundaı kedergi bolmaǵandyqtan basqa ǵalamsharlardy anyq kórýge bolady. Mars, ıÝpıter, Satýrn dál qasyńda, qol sozym jerde turǵandaı. Bos ýaqyt az bolatyn. Ondaı sát týyndaı qalsa, birden ıllıýmınatorǵa tartatynmyn. Jerge qarasań, eshqandaı shekara kórinbeıdi. Alpýyt elder men shaǵyn memleketterdi ajyratqyń da kelmeıdi. Bári - birtutas. Sol kezde «Jer - ortaq úıimiz, barlyq el birlikte, yntymaqtastyqta ómir súrse eken» deısiń», - deıdi ǵaryshker.

Álemniń 545-shi ǵaryshkeri Aıdyn Aıymbetov - «Baıqońyr» aılaǵynan ǵaryshqa sapar shekken úshinshi qazaq. Ol byltyrǵy jyldyń ekinshi qyrkúıeginde reseılik Sergeı Volkov jáne Eýropa ǵarysh agenttiginiń astronavty, danııalyq Andreas Mogensenmen birge «Soıýz TMA-18M» kemesimen ushqan.