Qytaıdyń ǵarysh agenttigi bógde planeta izderin tapty

NUR-SULTAN. QazAqparat – Qytaı ǵalymdary bógde planetadan shyǵýy múmkin sıgnaldy tapqanyn jarııa etti, dep habarlaıdy QazAqparat USA Today-ge silteme jasap.

Beıjiń pedagogıkalyq ýnıversıtetiniń zertteýshileri bógde planetanyń birneshe tehnologııalyq izderin tapty. Bul týraly aqparat seısenbide Qytaıdyń Ǵylym jáne tehnologııalar mınıstrliginiń «Science and Technology Daily» resmı gazetinde jarııalandy. Sıgnaldar FAST dep atalatyn dıametri 500 metr bolatyn álemdegi eń úlken sferalyq «Aspan kózi» radıoteleskopymen anyqtaldy.

Ǵylymı keshen Qytaıdyń ońtústik-batysyndaǵy Gýıchjoý provıntsııasynda ornalasqan. Ol 2016 jyldyń 25 qyrkúıeginde jumysyn bastady. China ET Civilization Research Group bas ǵylymı qyzmetkeri, kosmolog Chjan ıÝntsze gazetke burynǵy tabylǵandardan erekshelenetin birneshe tar jolaqty elektromagnıttik sıgnaldardy tapqanyn aıtty. Sonymen qatar, sıgnaldar jaı radıo kedergileri bolýy múmkin ekenin zertteýshi joqqa shyǵarmaıdy jáne osy faktini rastaý nemese joqqa shyǵarý úshin olardy qosymsha zertteý qajet.

Qazirgi ýaqytta Qytaıdyń ǵaryshtyq jobalarynda 300 myńǵa jýyq adam jumys isteıdi. Bul AQSh-tyń NASA ǵarysh agenttigine qaraǵanda 18 ese úlken.