Qytaıdyń 8 tonnalyq «Tıangýn-1» stansysy Jerge qulady

ASTANA. QazAqparat - Qytaıdyń alǵashqy «Tıangýn-1» ǵarysh zerthanasy («Aspan saraıy - 1») dúısenbi kúni shamamen saǵat 08:15-te Tynyq muhıtynyń ortalyq aıdynynda Jer atmosferasyna endi, dep jazdy Sınhýa.

Ǵarysh zerthanasynyń kóp bóligi atmosferanyń tyǵyz qabatynda janyp ketti. Bul týraly Qytaıdyń basqarylatyn ǵaryshtyq ushyrylymdar baǵdarlamasynyń keńsesinen habarlady.

Zerthananyń salmaǵy segiz tonna, sondyqtan ol avıatsııanyń qyzmetine nemese Jerdiń betine zııan keltirmeıdi. «Tıangýn-1» atmosferaǵa kirgen kezde tolyqtaı qırap, janyp ketedi, al Jerge tek onyń bolar-bolmas bóligi túsýi múmkin. Sonymen qatar, onyń salmaǵy jeńil bolǵandyqtan, qaldyqtarynyń jyldamdyǵy baıaý bolady.

«Tıangýn-1» 2011 jyldyń 29 qyrkúıeginde ushyrylǵan edi jáne 2016 jyldyń naýryzynda óz qyzmetin aıaqtaǵannan keıin qoldanystan shyǵaryldy.

Zerthana orbıtada bolǵan kezde oǵan «Shenchjoý-8», «Shenchjoý-9» jáne «Shenchjoý-10» qytaılyq ǵarysh kemeleri sátti túıistirilgen bolatyn. 

Foto: ru.publika.md