Qytaıda janarmaı men dızel otyny arzandaıdy

BEIJІŃ.QazAqparat – Álemdegi munaı baǵasynyń ózgerýine baılanysty Qytaıda janarmaı men dızel otynynyń bólshek baǵasy arzandaıdy. Bul týraly QHR Damý jáne reformalar isteri memlekettik komıteti málimdedi, dep habarlaıdy QazAqparat Sınhýa agenttigine silteme jasap.

Janarmaı men dızel otyny baǵasy 160 ıýan / shamamen 23,11 AQSh dollary / jáne sáıkesinshe tonnasyna 155 ıýan-ge arzandaıdy, dep málimdedi mekeme.

Eldegi baǵa belgileý mehanızmine sáıkes, munaı ónimderi baǵasy shıki munaıdyń álemdik baǵasynyń ózgerýine qaraı retteledi.

DRMK Qytaıdyń aldyńǵy qatarly úsh munaı kompanııasy - China National Petroleum Corporation, China Petrochemical Corporation jáne China National Offshore Oil Corporation-nan naryqtaǵy usynystyń turaqtylyǵyn qamtamasyz etý úshin munaı ónimderiniń óndirisi men tasymaldaýdy uıymdastyrýdy talap etti.