Qytaıda reseılik stýdent Erke Esmahannyń «Qaıda» ánin shyrqady

BEIJІŃ-SIANЬ. QazAqparat - 31 naýryzda Qytaıdaǵy qazaqstandyq stýdenter qaýymdastyǵynyń belsendileri (KSAC) QHR-dyń Shensı provıntsııasyndaǵy Sıan qalasynda Naýryz meıramyna oraı kontsert qoıdy, dep habarlaıdy Qytaıdaǵy QazAqparattyń menshikti tilshisi.

Stýdentter «Shashý» bıin bılep, fleshmob uıymdastyrdy, Janserik Tursynbek pen Aızat Qanatova «Taý-taý sezim» ánin, Baqtııar Toqtasynuly «Senen basqa» ánin oryndady.

Keshtiń eń qyzyqty tusy reseılik stýdent Vladımır Kımniń oryssha, aǵylshynsha gıtaramen án salǵany boldy. Ol qazaqstandyqtardy Erke Esmahannyń «Qaıda» ánin shyrqap tańqaldyrdy.

Jastar dastarhan jaıyp, jınalǵandarǵa Naýryz kóje men baýyrsaqtan dám tatqyzdy.

Kontsertke Sıan kólik ýnıversıteti Jibek jolynyń ekonomıkalyq beldeýi ınnovatsııalyq ortalyǵynyń janyndaǵy Ortalyq Azııadaǵy quqyqty zertteý ortalyǵynyń  dırektory Sofııa Ýshýrova arnaıy shaqyryldy.

«Biz Naýryzdy qarsy alý úshin arnaıy bas qostyq. Bir-birimizge jaqsy tilekter aıttyq. Naýryz - halqymyzdyń tamyry tereńge ketetin jańa jyl merekesi, ol birlik pen yntymaq merekesi», - dedi Sıan kólik ýnıversıtetiniń 2 kýrs magıstranty Raısıam Murdınova.

Avtor: Sadyq Ákıjanov