Qytaıda 84 mln balaǵa koronavırýske qarsy ekpe salyndy

BEIJІŃ. QazAqparat – Qytaı elinde 3 pen 11 jas aralyǵyndaǵy 84 mln-nan astam balaǵa koronavırýske qarsy ekpe salyndy. Sonyń ishinde 49,5 mln-ǵa jýyq balaǵa býsterlik vaktsına egildi. Bul týraly QazAqparat QHR Densaýlyq saqtaý isteri jónindegi memlekettik komıtet ókili Ý Lıanıý málim etti, dep habarlaıdy QazAqparat.

«Epıdemııanyń aldyn alý jáne qadaǵalaý sharalaryna tıis qysqy merzimde turǵyndardyń basty toptary men balalar, jasóspirimderdi býsterlik vaktsınalaýdy jalǵastyratyn bolamyz. Qazirgi kezde 3-11 jas aralyǵyndaǵy 84 395 000 balaǵa ekpe salynǵan, sonyń ishinde 49 440 000 balaǵa býsterlik vaktsına egilgen», - dep atap ótti Ý Lıanıý.

QHR Bilim mınıstrliginiń ókili Van Denfen 18 jastan asqan stýdentterdiń 95 paıyzynan kóbi koronavırýske qarsy vaktsına alǵanyn qosyp ótti.

QHR Densaýlyq saqtaý isteri jónindegi memlekettik komıssııa málimetinshe, 13 qarashadaǵy jaǵdaı boıynsha 2020 jyldyń jeltoqsanynda bastalǵan turǵyndardy jappaı vaktsınalaý naýqanynyń barysynda Qytaı dárigerleri qaýipti vırýstan 2,38 mlrd astam ekpe saldy. Bul rette 1,07 mlrd adam vaktsınalaýdyń tolyq kýrsynan ótti.

Qurlyqtyq Qytaıda sondaı-aq turǵyndardyń basty toptaryn býsterlik vaktsınalaý baǵdarlamasy belsendi iske asyrylýda.