Qytaı óndiristik sektordaǵy robottar sanyn arttyrady

BEIJІŃ. QazAqparat – Qytaı bıligi 2025 jylǵa qaraı óńdeý ónerkásibindegi robottar sanyn 2020 jylmen salystyrǵanda eki ese ulǵaıtýǵa tyrysady, delingen Qytaı Halyq Respýblıkasynyń Indýstrııa jáne aqparattandyrý mınıstrligi men basqa 16 vedomstvosy birlesip jarııalaǵan qujatta.

Bul týraly QazAqparat Sınhýa agenttigine silteme jasap habarlaıdy.

«Robototehnıka+ engizý jáne iske asyrý jospary» dep atalatyn qujat avtomattandyrylǵan mehanızmderdi qoldanýdy keńeıtýge baǵyttalǵan.

«2025 jylǵa qaraı joǵaryda atalǵan salada qyzmet etetin arnaıy robottardy qoldaný jan-jaqty artady jáne eldiń robototehnıka salasynyń joǵary sapaly áleýmettik-ekonomıkalyq damýǵa yqpal etý qabileti aıtarlyqtaı nyǵaıady», - delingen qujatta.

Jospar sonymen qatar robottardy 10 negizgi salada qoldaný jáne robototehnıka salasyndaǵy 100-den astam ınnovatsııalyq qoldanbaly tehnologııada jetistikke jetýdi kózdep otyr.

Budan basqa, qujatta robottardy óndirý men paıdalanýdyń kelisilgen ınnovatsııalyq júıesin qurýǵa kúsh salý, sondaı-aq olardy paıdalaný standarttaryn ázirleý men ilgeriletýdi jedeldetý usynyldy.

Óndiris salasyndaǵy 10 myń jumysshy sanymen ólshenetin robottardyń tyǵyzdyǵy óndiristegi ıntellekt deńgeıin anyqtaýdyń negizgi kórsetkishi bolyp tabylady.

Foto: www.russian.xinhuanet.com