Qytaı Qazaqstanmen strategııalyq ózara senimdi múltiksiz nyǵaıtady
«Osydan 2 kún buryn elderińizde Konstıtýtsııaǵa ózgertýler men tolyqtyrýlar engizý jónindegi referendým ótti. Onyń qorytyndysy Prezıdent Qasym-Jomart Toqaev júrgizip otyrǵan reformalar Qazaqstan halqy tarapynan qoldaý tapqandyǵyn bildiredi. Osyǵan oraı sizderdi quttyqtaımyn. Qasym-Jomart Toqaevtyń senimdi basshylyǵy men búkil Qazaqstan halqynyń ortaq kúsh-jigeriniń arqasynda jańa Qazaqstandy qurý jolynda tamasha jetistikterge jetetindikterińizge senimim mol», - dedi Van I QR Premer-Mınıstriniń orynbasary – Syrtqy ister mınıstri Muhtar Tileýberdimen kezdesýden keıingi brıfıngide.
Onyń atap ótýinshe, Qazaqstan men Qytaı dostyǵy myńdaǵan jyldardan tamyr alady jáne sońǵy 30 jyldaǵy yntymaqtastyqqa negizdeledi. Aldaǵy ýaqytta da eki eldiń qarym-qatynasyn ózara qurmet, teńdik, senim, yntymaqtastyqty kúsheıtý, dástúrli dostyqty nyǵaıtý prıntsıpterine negizdeledi.
«Strategııalyq ózara senimdi múltiksiz nyǵaıtatyn bolamyz», - dedi ol.
