Qytaı ǵaryshqa álemdegi alǵashqy kún elektr stantsııasyn salmaq

ASTANA. QazAqparat - Qytaı ǵarysh keńistiginde kún elektr stantsııasyn ornalastyratyn álemdegi alǵashqy el bolmaq. Bul týraly Science & Technology Daily jýrnalyna suhbat bergen Qytaı ǵaryshtyq tehnologııalar akademııasynyń ǵylymı qyzmetkeri Lı Mın málim etti, dep habarlaıdy TASS.

«Qazirgi ýaqytta Qytaı ǵaryshtyq kún energııasymen aınalysatyn jetekshi elder qataryna qosyldy», - dedi Lı Mın.

Qorshaǵan ortany lastaýǵa ákeletin qazba otynyna qaraǵanda, ǵarysh keńistiginde kún energııasyn paıdalaný áldeqaıda tıimdi, ári taza jáne turaqty.

Ǵalymdardyń aıtýynsha, jerdegi kún jáne jel elektr stantsııalaryna qaraǵanda ǵarysh elektr stantsııasynyń jumysyna eshqandaı tabıǵı faktorlar áser etpeıdi, sondyqtan ol Jerge úlken energııa aǵynyn jibere alady.

Qazirgi ýaqytta Reseı, AQSh jáne Japonııa osy salany damytýǵa ınvestıtsııa salyp jatyr, mundaı zertteýlerge Úndistan, Ońtústik Koreıa jáne Eýropa elderiniń ǵarysh vedomstvolary da atsalysýda.

Qytaı 2008 jyly ǵarysh elektr stantsııalaryn qurý boıynsha praktıkalyq qadamdardy bastady jáne symsyz elektr energııasyn berý tehnologııasynda aıtarlyqtaı nátıjelerge qol jetkizdi.