Qytaı ekonomıkasynyń erekshelikteri qandaı - qytaılyq sarapshylar pikiri
QKP Ortalyq komıteti janyndaǵy Partııalyq mekteptiń makroekonomıka kafedrasynyń meńgerýshisi, ekonomıka bóliminiń professory Chen Tsıtsın «ekonomıkanyń joǵary sapaly damýyn jan-jaqty yntalandyrý» týraly baıandama bóligine nazar aýdardy.
«Qytaıdyń ekonomıkalyq damýy turǵysynan qarasaq, onyń aýqymy men jyldamdyǵyna asa kóńil bólinip jatqan joq. Bar nazar ekonomıkadaǵy sapa men tıimdilikte. 2016 jyly Qytaıdyń JІÓ AQSh-pen salystyrǵanda, 7 trıllıon dollarǵa az boldy. Biraq, álemdegi úshinshi ekonomıkalyq sýekt bolyp sanalatyn Japonııadan 6 trıllıon dollarǵa kóp edi. Esepterge sáıkes, Qytaı 2027 jylǵa qaraı Amerıka Qurama Shtattarynan asyp túsýi múmkin. Ekonomıkalyq ósimniń ýaqytsha tómendeýine qaramastan, Qytaıdyń ekonomıkalyq damý jyldamdyǵy joǵary», - dedi ol.
QKP Ortalyq komıteti janyndaǵy Partııalyq mekteptiń ekonomıka bóliminiń aǵa oqytýshysy Chjoý ıÝehýeı sapaly ekonomıkalyq damýǵa qol jetkizý úshin jan-jaqty ashyqtyqtyń jańa arhıtektonıkasyn qurý qajet dep esepteıdi.
Onyń aıtýynsha, 1978 jyly reformalar men ashyqtyq saıasaty alǵash júrgizile bastaǵanda, Qytaı ekonomıkasynyń ashyqtyq deńgeıi óte tómen bolatyn. Sheteldik Qytaıǵa ınvestıtsııasy men Qytaıdyń syrtqy ınvestıtsııasy 20 mıllıon dollarǵa jetpeıtin. Qyryq jyldan keıin bul kórsetkishter álemdik ortasha deńgeıden asty. Qytaı memlekettik statıstıkalyq basqarmasynyń sońǵy derekterine sáıkes, Qytaı eksporty men ımportynyń jalpy kólemi 27,79 trıllıon ıýandi qurady. Bul ótken jylmen salystyrǵanda 14,2%-ke artyq jáne jalpy taýar aınalymy boıynsha Qytaı AQSh-pen teńesti.
«Bizge ekijaqty ashyqtyq deńgeıin kóterip, saýda shıelenisterin sheshý qajet. Ózara jáne jalpy tıimdilik úshin ashyq strategııany ustaný kerek. Ashyqtyqtyń bastamashysy bola otyryp, halyqaralyq básekede jeńip, damýdyń dıvıdentterin alýǵa bolady», - dep óz sózin túıindedi Chjoý ıÝehýeı.
