Qytaı «Beıdoý» navıgatsııa júıesiniń sońǵy jerserigin ushyratyn kúndi jarııalady

SIChAN. QazAqparat – «Beıdoý» navıgatsııa júıesiniń sońǵy jerserigin 16 maýsymda ushyrý josparlanyp otyr. Bul týraly Qytaıdyń navıgatsııa júıesiniń jerserikter is boıynsha keńsesi dúısenbi kúni málim etti, dep habarlaıdy QazAqparat tilshisi.

«Beıdoý-3» navıgatsııa júıesiniń geostatsıonarlyq jerserigi Qytaıdyń ońtústik-batysynda Sychýan proovıntsııasyndaǵy «Sıchan» ǵarysh aılaǵynan ushyrylady. «Uly sapar-3» zymyran tasyǵyshy jerserikti orbıtaǵa jetkizedi. Ushyrylym Beıjiń ýaqytymen 16 maýsymda saǵat 10:11 men 10:50 aralyǵyna belgilengen.

Qazir «Beıdoý-3» apparatyn jerdegi tehnıkalyq synaý jáne ushyrylym aldyndaǵy basqa da tehnıkalyq ázirlik jumysy aıaqtalǵan.

Eske sala ketsek, Qytaıdyń «Beıdoý» navıgatsııa júıesi úsh kezeńde júzege asyryldy. 2000 jyly Qytaı aýmaǵyn qamtıtyn «Beıdoý-1» júıesiniń bir bóligi qalyptastyryldy, 2012 jyly Azııa-Tynyq muhıt aımaǵyn qamtıtyn «Beıdoý-2», 2020 jyly jahandyq navıgatsııalyq topty qamtıtyn «Beıdoý-3» qolǵa alyndy. «Beıdoý-3» júıesinde 30 jerserik bar, onyń 29-y Jer aınalasyna orbıtaǵa shyǵarylǵan.

Avtory Rýslan Súleımenov