Qysqy Ýnıversıadaǵa BAQ ókilderinen ótinish qabyldaý merzimi aıaqtalýǵa jaqyn
«28-shi Dúnıejúzilik qysqy Ýnıversıadada qyzmet etip, aqparat taratatyn BAQ ókilderi úshin akkredıtatsııaǵa ótinish qabyldaý jalǵasýda. BAQ akkredıtatsııasyna ótinishter 2016 jyldyń 29 jeltoqsanyna deıin qabyldanady», delingen habarlamda.
«Halyqaralyq jáne otandyq BAQ ókilderi úshin akkredıtatsııadan ótý Oıyndardyń resmı almaty2017.com saıtynda ornalasqan «BAQ akkredıtatsııasy» bóliminde júzege asyrylady.
BAQ ókilderine anketany toltyrý kerek. Ótinish qarastyrylǵan soń, qoldanýshy akkredıtatsııadan ótý týraly habarlama alady. Tolyq túsinikti ınstrýktsııa qosymsha qaǵazǵa ornalastyrylǵan. Akkredıtatsııadan ótkeni týraly ótinish berýshiniń elektrondy poshtasyna resmı rastaý joldanady.
Akkredıtatsııadan ótken sheteldik BAQ ókilderi úshin vıza alý joldary jeńildetiledi. Bul úshin olar akkredıtatsııadan sátti ótkenin rastaıtyn jazbany óz elindegi Qazaqstan Respýblıkasynyń elshiligine kórsetýi tıis.
«Jarysqa jáne Ýnıversıadanyń basqa da sharalaryna barý úshin tıisti azamattyń esimi jazylǵan beıdjdi Almaty qalasy, Baızaqov 280, 1 qabat («Almaty Towers») mekenjaıynda ornalasqan Akkredıtatsııa ortaǵyna ótkizý qajet. Akkredıtatsııa ortalyǵy 2017 jyldyń 10 qańtary men 8 aqpany aralyǵynda 9:00 men 21:00 aralyǵynda jumys isteıdi. Oıyndar ýaqytynda segiz baspasóz-ortalyqtary jumys isteıtin bolady», delingen habarlamada.
