Qysqy Ýnıversıada: Mánerlep syrǵanaýdan qazaqstandyq jup 10-oryn aldy

ASTANA. QazAqparat – AQSh-tyń Leık-Plesıd qalasynda ótip jatqan 2023 jylǵy Qysqy Ýnıversıadada mánerlep syrǵanaýda juptyq saıys ótkizildi, dep habarlaıdy QazAqparat tilshisi.

Muz ústinde bıleýden juptyq saıysta elimizdiń atynan Gaýhar Naýryzova men Boınsagýr Datıev el namysyn qorǵady. Olar 53.08 ball jınap, onynshy orynǵa turaqtady.

Atalǵan saıysta birinshi oryn AQSh atynan synǵa túsken Lorren Maknamara men Anton Spırıdonovke buıyrdy, olardyń enshisinde 69.12 ball bar. Ekinshi oryn 68.72 ballmen frantsııalyq Marı Dıýpaııaj ben Toma Nabe jubyna buıyrsa, sol elden kelgen Natasha Lagýj jáne Arno Kaffa 68.21 ballmen úzdik úshtikti túıindedi.

Atalǵan saıysta barlyǵy 13 jup synǵa tústi.

Endi Gaýhar Naýryzova men Boınsagýr Datıev 16 qańtarda erkin baǵdarlama boıynsha synǵa tsúedi.

Eske salsaq, budan buryn qazaqstandyq eki mánerlep syrǵanaýshy saıysqa tústi.

Sondaı-aq, ýnıversıadada qazaqstandyqtar shańǵymen qossaıystan baq synady.

Aıta ketsek, dúbirli dodada elimizdiń atynan 78 sportshy baq synaıdy.

Foto: prosports.kz