Qysqy Paralımpıada: Aleksandr Gerlıts taǵy bir básekede 5-oryn aldy

NUR-SULTAN. QazAqparat - Paralımpıada oıyndarynda qazaqstandyq Aleksandr Gerlıts shańǵymen 12,5 shaqyrymǵa túregep jarysýdan jekeleı synda máre syzyǵyn besinshi bolyp qıdy, dep habarlaıdy QazAqparat tilshisi.

Atalǵan saıysta altyn medal frantsııalyq Benjamen Davege buıyrsa, odan keıingi oryndardy kanadalyq Mark Arendts pen ýkraınalyq Grıgorıı Vovchınskıı ózara bólisti.

Eske salsaq, búgin qazaqstandyq sportshy Aleksandr Gerlıts parabıatlonnan 10 shaqyrymǵa túregep syrǵanaýda máre syzyǵyn úshinshi bolyp qıdy.

Odan keıin sprıntte 5-oryn aldy.

Qazaqstan sportshylary Paralımpıada oıyndaryna 1994 jyldan beri turaqty túrde qatysyp keledi.

Búgingi kúnge deıin 1994 jyly 10 shaqyrymǵa klassıkalyq mánerde shańǵy jarysynda qazaqstandyq Lıýbov Vorobeva kúmis alǵan edi.

Al 2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda chempıon atandy.