Qysqy Paralımpıada-2022: Alǵashqy báseke jeńimpazdary anyqtaldy

NUR-SULTAN. QazAqparat - Beıjińde bastalǵan 2022 jylǵy Paralımpıada oıyndarynda qazaqstandyq sportshylardyń qatysýymen alǵashqy jarystar ótti, dep habarlaıdy QazAqparat tilshisi.

El quramasynan Sergeı Ýsoltsev pen Erbol Hamıtov otyryp syrǵanaýdan sprınterlik básekede jarys jolyna shyqty.

Nátıjesinde S.Ýsoltsev 15-oryndy mise tutty. Onyń jeńimpazdan qalyp qoıǵan kórsetkishi - 3:09.4. Al E. Hamıtov 16-oryn aldy. Kórsetkishi - +3:29.1.

Atalǵan saıysta qytaılyq Lıý Tszı Sıý máre syzyǵyn birinshi bolyp qıdy. Odan keıingi oryndar ýkraınalyq Taras Rad pen taǵy bir qytaılyq Lıý Mentaoǵa buıyrdy.

Aıta ketsek, búgin túregep syrǵanaýda taǵy bir qazaqstandyq Aleksandr Gerlıts 6 shaqyrymdyq jarysqa shyǵady.

Budan keıin qazaqstandyq sportshylar 6, 8, 11, 12, 13 naýryz kúnderi aıtýly alamanda baq synaıdy.

Eske salsaq, XIII qysqy Paralımpıada oıyndarynda el namysyn Sergeı Ýsoltsev, Aleksandr Gerlıts, Erbol Hamıtov, Denıs Petrenko men ıÝrıı Berezın qorǵaıdy.

Qazaqstan sportshylary Paralımpıada oıyndaryna 1994 jyldan beri turaqty túrde qatysyp keledi. Búgingi kúnge deıin el qorjynyna 1 altyn, 1 kúmis medal tústi.