Qysqartylǵan kúrish alqaptarynyń ornyna ne egiledi
Jalpy elimizde sýdy kóp shyǵyndaıtyn daqyldardyń kólemin azaıtý saıasaty 2005 jyldan beri qolǵa alynǵan. Ekologııa, geologııa jáne tabıǵı resýrstar mınıstrligi qurylǵannan beri bul jumys bir júıege túsip, ashyq júrgizile bastady. Osyǵan baılanysty eli ishinde «Kúrish pen maqta alqaptary qysqartylatyn aýdandardyń halqyna balama tabys kózin nege usynbaıdy» degen saýaldar jıi aıtylyp júr. El kókeıindegi osy saýal Ekologııa, geologııa jáne tabıǵı resýrstar mınıstrligine joldanǵan edi.
«Kúrish pen maqta egiletin alqaptar Іle jáne Syrdarııa sııaqty trasnshekaralyq ózenderdiń basseıninde ornalasqan. Árıne, qysqa ýaqyt ishinde bul máseleni sheshý múmkin emes. Aýyspaly egisti az ylǵal súıgish daqyldarǵa engizý arqyly jerdi kezeń-kezeńimen kóshirý qajet. Syrdarııa óńirinde mundaı jumystar júrgizilýde. Maqta men kúrishtiń ornyn baqsha, kópjyldyq shópter, dándik júgeri basady», - deıdi vıtse-mınıstri Serik Qojanııazov.
Mınıstrlik kúrish egilip otyrǵan 104 myń gektardyń 29 myń gektaryn qysqartý 10 jyl boıynda birtindep iske asyrylatynyn eske saldy.
«Fermerlerdiń qaýipsizdigin, eger olarǵa bıyldan bastap kúrish egýdi toqtatý mindettelse, túsinýge bolady. Biz sýarmaly jerlerde maqta, kúrish, bıdaı egisterin birtindep, kezeń-kezeńmen qysqartý týraly mindet qoıyp otyrmyz jáne bul durys. Sondyqtan memlekettik qoldaýmen aýyl sharýashylyǵy óndirisin sýdy az qajet etetin daqyldardy ósirýge birtindep qaıta baǵdarlaý kúrish ósirýshilerge shyǵyndardy azaıtýǵa múmkindik beredi. Bizdiń elimizde kúrish egý alqaptaryn kezeń-kezeńmen azaıtý – zaman shyndyǵynan týyndaǵan obektıvti qajettilik», - deıdi vedomstvo ókili.